Almatyda kún sýýyna baılanysty sýburqaqtar óshirilip jatyr

Almaty ekologııa jáne qorshaǵan orta basqarmasynyń «Jasyl Almaty» KMM mamandary sýburqaq keshenderin sýyq mezgilge daıyndap jatyr. Jumystar 1-10 qazan aralyǵynda kezeń-kezeńimen júrgizilip jatyr.

— Sýburqaqtar toqtatylyp, sýy aǵyzylady, tostaǵany men jabdyqtary tazartylady. Sondaı-aq mamandar ınjenerlik júıelerdi úrlep, qurǵatady, al jabdyqtardyń keıbir qurylymdary alynyp, qysqy saqtaýǵa jiberiledi, — delingen habarlamada.

Konservatsııalaý jumystary ınjenerlik jeliler men jabdyqtardy tómen temperatýranyń áserinen qorǵaý úshin qajet. Ár nysannyń tehnıkalyq erekshelikteri eskeriledi.

Jumystardy 10 qazanǵa deıin aıaqtaý josparlanǵan. Qysqy kezeńnen keıin mamandar tehnıkalyq qyzmet kórsetip, sýburqaqtardy jańa maýsymǵa daıyndaıdy.

Eske salaıyq, buǵan deıin Almatyda sýburqaqtaǵy sý nelikten boıalyp jatqany aıtyldy.