Almatyda kúni boıy jańbyr jaýady

Sınoptıkterdiń boljamynsha, Almatyda búgin jańbyr kúni boıy jaýady. Jańbyrdyń toqtaýsyz jaýýyna baılanysty tańǵy 8-den bastap 46 patrýldik brıgada kezekshilikke shyǵady, dep habarlaıdy QazAqparat.

Sý tasqynynyń aldyn alý úshin 165 arnaıy tehnıka, 26 motopompa jáne 836 jumysshy tartyldy. 1825 qap qum daıyndaldy.

Almatydaǵy «Qazgıdromet» RMK sirkirep jańbyr jaýady dep boljaıdy, tańnan saǵat 14:00-ge deıin jel turyp, ekpini 13 m/s deıin jetedi. Jaýyn-shashyn 23 qyrkúıekke qaraǵan túni toqtaıdy degen boljam jasady.
Kúndiz aýa temperatýrasy +12+14 gradýs.

"Jańbyrly kúni jolda abaı bolyńyz!

Jel kúsheıgen jaǵdaıda butaqtar synyp, aryq qoqysqa tolyp, bitelip sý tasqyny bolýy múmkin, sol sebepti jaıaý júrginshilerden saq bolýdy suraımyz. Kólik júrgizýshilerine jyldamdyqty azaıtyp, kólik arasyndaǵy araqashyqtyqty saqtaýǵa, shuǵyl manevr jasamaýǵa shaqyramyz", - dep eskertti Kommýnaldyq ınfraqurylymdy damytý basqarmasy.