Almatyda qubyrdy aýystyrý jumystaryna baılanysty bir kóshede jol jabylady
ASTANA. KAZINFORM — Aldaǵy jylytý maýsymyna daıyndyq aıasynda Almatynyń Medeý aýdanynda 1989 jyly paıdalanýǵa berilgen uzyndyǵy shamamen 350 metr jylý qubyry jańartylady. Bul týraly «Almaty jylý júıesi» JShS mamandary aıtty.
Osyǵan baılanysty 2026 jyly 13 shildeden bastap Samal-2 shaǵynaýdanyndaǵy Snegın kóshesiniń Meńdiqulov býlvary men Dostyq dańǵyly aralyǵynda avtokólik qozǵalysyna ýaqytsha shekteý engiziledi.
— Shekteý kóshe astyndaǵy qubyr jelisin josparly qaıta jańǵyrtýdy qaýipsiz júrgizý maqsatynda engizilip otyr, — delingen habarlamada.
Qaıta jańǵyrtý jumystary júrgiziletin kezeńde tutynýshylarǵa ystyq sý berý toqtatylmaıdy.
Atalǵan jylý jelisi 8 kópqabatty turǵyn úıdi, 1 mektepti, 2 balabaqshany jáne taǵy 15 ózge nysandy jylý energııasymen jáne ystyq sýmen qamtamasyz etedi.
Eske salaıyq, buǵan deıin Almatyda Tóle bı kóshesin qala shekarasyna deıin uzartý jobasy aıasynda Jýaly kóshesiniń bir bóliginde avtokólik qozǵalysy bir aıǵa shektelgenin habarlaǵan edik.
