Almatyda qoımadaǵy órt sóndirildi

ALMATY. KAZINFORM – Alataý aýdanynda otqa oranǵan qoımadaǵy alapat órt sóndirildi.

Tótenshe jaǵdaılar mınıstrliginiń habarlaýynsha, órttiń jalpy aýmaǵy 1400 sharshy metr. 

— Órt sóndirý bólimsheleriniń jedel is-qımyldarynyń arqasynda kórshiles qoımalarǵa ottyń taralýyna jol berilgen joq, — delingen habarlamada

Búgin, 15 sáýir kúni saǵat 14:48–de órt sóndirýshiler joǵary dárejeli shaqyrtý boıynsha Alataý aýdany, Samǵaý shaǵyn aýdany mekenjaıyna jiberildi. 

Órtti sóndirý úshin tórt jaýyngerlik ýchaskeden turatyn jedel shtab quryldy. Oqıǵa ornynda 87 qyzmetker men 25 tehnıka jumyldyryldy.

Sondaı-aq tilsiz jaýmen kúreske órt poıyzy tartyldy. 

Eske salaıyq, buǵan deıin Almaty qoımalarynda órt faktileri nelikten kóbeıgenin jazǵanbyz.