Almatyda qoıma órtenip jatyr

ALMATY. KAZINFORM — Almatynyń Alataý aýdanynda ornalasqan qoımadan órt shyqty.

Almaty qalalyq Tótenshe jaǵdaılar departamenti habarlaǵandaı, 15 sáýir kúni saǵat 14:48–de kúshter men quraldar joǵary dárejeli shaqyrtý boıynsha Alataý aýdany, Samǵaý shaǵyn aýdany mekenjaıyna jiberildi. 

— Órt sóndirý oqpandary iske qosylyp, avtotsısternalar órt gıdranttaryna qosyldy, sýmen úzdiksiz qamtamasyz etý uıymdastyryldy. Órt ornynda jedel shtab qurylyp, birneshe órt sóndirý ýchaskesi jasaqtaldy, sondaı-aq órt sóndirý avtosatysy ornalastyryldy, — dep habarlady qalalyq TJD baspasóz qyzmeti.

Osyǵan deıin Almaty oblysy Іle aýdany Boraldaı aýylyndaǵy ónerkásiptik aımaqta ornalasqan qoıma órtengen bolatyn. 

Eske salaıyq, buǵan deıin Almaty qoımalarynda órt faktileri nelikten kóbeıgenin jazǵanbyz.

Sondaı-aq Shyǵys Qazaqstan oblysy Zaısan aýdanynda qamys pen shópti sharpyǵan órt oqshaýlanǵany anyqtaldy.