Almatyda kóshkin qaýpi bar 85 ýchaske tekserildi
ALMATY. KAZINFORM – Almatyda taý kóshkinderiniń aldyn alý jumysy júrgizilip jatyr. Bul týraly Medeý aýdanynyń ákimi Erkebulan Orazalın aıtty.
Onyń sózinshe, 2025 jyly 85 ýchaske tolyq tekserýden ótken. Bul jumystardy 2024 jyldyń 19 aqpanynan bastap memlekettik organdar men saraptamalyq uıymdar múshelik etken jumys toby atqardy. Tekserý kezinde 21 ýchaskeniń jaǵdaıy turaqty dep tanyldy.
– Al 16 ýchaskede tótenshe jaǵdaılar aıasynda qurylys-montajdaý jumystary aıaqtaldy. Sonymen qatar 7 ýchaske rekreatsııalyq aımaqqa engizilip, 2 ýchaske memlekettik muqtajdyq úshin satyp alyndy. Qaýiptiń aldyn alý jáne jer bederiniń turaqtylyǵyn qamtamasyz etý maqsatynda 39 ýchaske boıynsha keshendi sharalar júrgizildi. Bul jumystar turǵyndardyń qaýipsizdigin arttyrýǵa jáne syrǵyma qaýpin azaıtýǵa baǵyttalǵan, - dedi aýdan ákimi.
Eske salaıyq, 2024 jyly 8 aqpan kúni Medeý aýdanynyń Olımpıskıı kóshesi boıynda tehnogendik sıpattaǵy topyraqtyń laılanýynan laı kóshkini boldy.
Keıin Almaty qalasy tótenshe jaǵdaılar departamenti men respýblıkalyq jedel-qutqarý jasaǵynyń kúshteri úıindi astynan 4 adamnyń denesin tapty.