Almatyda kóshkin qaýpi bar 18 jer ýchaskesi qorǵaýǵa alyndy
ALMATY. KAZINFORM – Medeý aýdanynyń ákimi Erkebulan Orazalın taý bókterindegi kóshkinniń aldyn alý maqsatynda qolǵa alynǵan jumystar týraly aıtyp berdi.
- Aýdan aýmaǵynda kóshkin qaýpi bar 48 jer anyqtaldy. Olardyń árqaısysy boıynsha ýákiletti memlekettik organdarmen, saraptamalyq uıymdarmen birlesip isteletin qajetti jumys pysyqtaldy. Aýdan ákimdigi tarapynan 12 jerde jumys bastaldy, – dedi ol.
Sonymen qatar 8 ýchaskede menshik ıeleri saraptamalyq uıymdardyń qorytyndysyna sáıkes jumysyn bastap ketken. Aýdan ákiminiń aıtýynsha, aýmaqtyń ereksheligine qaraı betkeı men tirekterdi nyǵaıtý men topyraqty turaqtandyrýǵa baǵyttalǵan ózge de ınjenerlik sheshim qarastyrylǵan.
- Jalpy 18 ýchaskede kóshkinge qarsy keshendi is-sharalar qazir tolyq aıaqtaldy. 30 ýchaske baqylaýda tur, olarda jumys áli bite qoıǵan joq. Basty mindet – tótenshe jaǵdaıdyń aldyn alý. Yqtımal qaýipti ýchaskede qolǵa alynǵan jumysty kúrdeli jaǵdaı týyndaǵansha aldyn ala isteıdi, - dedi Erkebulan Orazalın.
Eske salaıyq, Nepaldaǵy Hımlýng-Hımal taýlaryndaǵy qar kóshkini qurbandarynyń sany 15-ke jetti.
