Almatyda kósheniń qaq ortasynda kóligin keri júrgizgen júrgizýshi jazalandy
ALMATY. KAZINFORM – Almaty polıtsııasy jol qozǵalysy erejesin óreskel buzǵan júrgizýshilerdi anyqtady.
Áleýmettik jelilerde birneshe kólik júrgizýshisi tarapynan jol júrý erejeleriniń óreskel buzylǵany túsirilgen beınejazba tarady. Kadrlarda qarama-qarsy jolaqpen júrý, artqa qozǵalý, agressıvti júrgizý jáne basqa da qaýipti manevrler beınelengen.
Qalalyq polıtsııa departamenti júrgizýshiler anyqtalyp, ereje buzǵan kólikter arnaıy aıyppul turaǵyna qoıylǵanyn habarlady.
- Jol qozǵalysynyń basqa qatysýshylaryna qaýip tóndirip, avtokólikti artqa qaraı júrgizgen júrgizýshilerdiń biri sot sheshimimen 10 táýlikke ákimshilik qamaýǵa alyndy. Jol — beıqamdyqty keshirmeıdi, al jol júrý erejelerin ádeıi elemeý jazasyz qalmaıdy, – dedi Jergilikti polıtsııa qyzmeti basqarmasynyń bastyǵy Serik Shýmaev
Eske salaıyq, buǵan deıin Almatyda 131 moped aıyppul turaǵyna qoıylǵanyn jazǵanbyz.