Almatyda kóshelerdi uzartý úshin 35 mlrd teńgege jer ýchaskeleri satyp alynady

ALMATY. KAZINFORM – 2025 jyly Almaty ákimdigi birneshe kósheni uzartý úshin jer telimderin satyp alýdy aıaqtaıdy. Bul týraly máslıhat sessııasynda qarjy basqarmasynyń basshysy Qanat Sýhambekov málimdedi.

Aıtýynsha, 2025 jyly Almaty qalasynyń shekarasynan Úlken Almaty aınalma avtomobıl jolyna deıin radıaldy joldardy salý jáne Tilendıev, Hmelnıtskıı, Raıymbek, Rysqulov jáne Muqanov sııaqty ishki magıstraldy kóshelerdi uzartý jumystary jalǵasatyn bolady.

– Osy jobalardy iske asyrý úshin 35 mlrd teńgege jer ýchaskelerin satyp alýǵa qarajat qarastyrylǵan, – dedi basqarma basshysy.

Kelesi jyldyń shilde aıynda Saın kóshesin Rysqulov dańǵylynan Aqyn Sara kóshesine deıin jalpy uzyndyǵy 3,2 km uzartý aıaqtalady, sonyń arqasynda Momyshuly kóshesinen kólik júktemesiniń 40% - ǵa tómendeıdi dep kútiledi. 

– Bıyl qaladaǵy 250 shaqyrym jol ortasha jóndeýden ótti. Keler jyly jańa shaǵynaýdandarda 300 shaqyrymnan astam jolǵa 30 mlrd teńgege kúrdeli jáne ortasha jóndeý jumystary júrgiziledi,– dep qosty spıker.

Osyǵan deıin Almatynyń 2025-2027 jyldarǵa arnalǵan bıýdjeti qabyldanǵany týraly jazǵan edik.