Almatyda kósheler jartylaı jabylady
ALMATY. KAZINFORM – Almatyǵa Gvıneıa-Bısaý eliniń prezıdentiniń kelýine baılanysty birqatar kóshe ishinara jabylady.
– Almaty qalalyq Polıtsııa departamenti, Gvıneıa-Bısaý respýblıkasynyń Prezıdenti Ýmara Embalon 19-20 jeltoqsan kúni Qazaqstanǵa resmı sapary kezeńinde jol qozǵalysyna ishinara shekteý qoıylatyny týraly habarlaıdy, – delingen habarlamada.
Vedomstvodan málim etkendeı, jol shekteýleri qoǵamdyq kólikterge áser etpeıdi.
– Azamattardan ýaqytsha sharalarǵa túsinistikpen qaraýdy jáne keptelisterdi boldyrmaý úshin aldyn ala baǵyttaryn retteýdi suraımyz,– dep atap ótti polıtsııadan.
Buǵan deıin Memleket basshysy Qasym-Jomart Toqaev Aqordada elimizge resmı saparmen kelgen Gvıneıa-Bısaý Prezıdenti Ýmarý Sısoký Embalony saltanatpen qarsy alǵanyn jazǵan edik.
Keńeıtilgen quramdaǵy kelissóz barysynda Qasym-Jomart Toqaev Qazaqstan Gvıneıa-Bısaýdy Afrıka qurlyǵyndaǵy mańyzdy seriktes retinde qarastyratynyn aıtty.
Kelissózder barysynda eki eldiń basshylary Bısaý porty men Transkaspıı dálizin ushtastyrý joldaryn zerdeleýge kelisti.