Almatyda kóshege syzylǵan túrli-tústi jol tańbasy neni bildiredi
ALMATY. KAZINFORM – Almatyda Qabanbaı batyr men Panfılov kósheleriniń qıylysynda erekshe jol tańbasy syzylǵan.
Kósheniń jıektasqa jaqyn shetki bóligi túrli tústi boıalǵan. Qala turǵyndary áleýmettik jelide erekshe jol tańbasynyń ne úshin qajet ekenin surap, ártúrli boljamdar jasady.
Qalalyq jol qozǵalysy jáne jolaýshylar kóligin uıymdastyrý basqarmasynyń jaýabyna sáıkes, Panfılov kóshesi mańyndaǵy túrli-tústi jol tańbasy qaýipsizdik aralynyń kóriný deńgeıin arttyrý úshin syzylǵan. Ol júrgizýshiler men jaıaý júrginshilerdiń nazaryn aýdaryp, joldy baǵdarlaýǵa jáne jaıaý júrginshiler ótetin jol bóligine jaqyndaǵanda muqııat bolýǵa kómektesedi.
- Negizgi maqsat — jol qozǵalysyna qatysýshylardyń barlyǵyna ortaq qaýipsizdikti arttyrý. Bul tańba burynnan bar qaýipsizdik aralynyń shekarasynda salynǵan. Joldyń júrý bóligi tarylǵan joq, onyń parametrleri men ótkizý qabileti burynǵysha qaldy, - dep habarlady basqarmadan.
Eske salaıyq, bıyl Almatyda 300 myń sharshy metrden astam jol tańbasy syzý josparlanǵan.
