Almatyda kóshe jaryqshamyn qaǵyp ketken kólik ıesi izdestirilip jatyr

Almatyda túngi ýaqytta belgisiz avtokólik kóshe jaryqshamyn qaǵyp ketti, saldarynan jaryqsham jol boıynda qulap tústi, dep habarlaıdy Kazinform.

Almatyda túnde jol boıynda qulap jatqan jaryqshamnyń vıdeosy jelige shyqty. Jazbada jaryqshamnyń Rysqulov dańǵyly boıynda qulap jatqany jazylǵan. 

«Almaty Qala Jaryq» kásiporny túngi saǵat 02.44-te Alataý aýdany, Rysqulov dańǵyly men Danchenko kóshesiniń qıylysynda jaryqshamnyń qulaǵanyn habarlady.

«Jaryq núktesi belgisiz kóliktiń qaǵyp ketý sebebinen zaqymdanǵan. Kólik ıesi oqıǵa ornyn tastap, jasyrynyp úlgerdi. Osyǵan baılanysty 102 arqyly ákimshilik polıtsııanyń patrýli shaqyryldy. Olar jol-kólik oqıǵasyn tirkedi», - delinedi «Almaty Qala Jaryq» MKK habarlamasynda.

Qazir jaryqsham ýaqtyly sóndirilip, turǵan ýchaskede qaýipsizdik sharalary qabyldandy.

«Jaryqshamdy tolyq bólshektep, joǵary voltty jelilerdi ornatý qajet. Avarııalyq-jóndeý brıgadasynyń qyzmetkerleri jaryqtandyrý dińgegin qalpyna keltirip jatyr. Jaǵdaı baqylaýda», - dep habarlady «Almaty Qala Jaryq» MKK baspasóz qyzmeti.