Almatyda kóshe uzartý jumystaryna baılanysty keı aýdandarda gaz berý toqtatylady
ALMATY. KAZINFORM – Almaty qalasy Naýryzbaı aýdanynyń ákimdigi keı aýmaqta gaz berý ýaqytsha toqtatylatynyn habarlady.
Resmı málimetke sáıkes, 13–15 sáýir aralyǵynda «QazaqGaz Aimaq» AQ Almaty óndiristik fılıaly joǵary qysymdy jerasty gaz qubyryn kóshirý jáne qaıta montajdaý jumystaryn júrgizedi. Jumystar Tóle bı kóshesin uzartý (Áshimov kóshesinen qala shekarasyna deıin) jobasy aıasynda ótedi.
Osyǵan baılanysty Medeýbekov kóshesi - Raıymbek dańǵyly - Áshimov kóshesi - Abaı dańǵyly aralyǵyndaǵy aýmaqta ornalasqan turǵyn úıler men nysandarda gaz berý ýaqytsha toqtatylady. Sonymen qatar «Premera» qazandyǵyna gaz berýdiń toqtatylýyna baılanysty ystyq sý berý ýaqytsha shekteledi.
- Ystyq sý akkýmýlıatorlyq baktar arqyly beriledi, alaıda sý temperatýrasy tómen bolady. Sý qory shamamen bir táýlikke jetedi. Turǵyndardan ýaqytsha qolaısyzdyqtarǵa túsinistikpen qaraýdy suraımyz, - dep habarlady aýdan ákimdigi.
Eske salaıyq, buǵan deıán Almatyda Tóle bı kóshesin uzartý qashan aıaqtalatynyn jazǵanbyz.
