Almatyda kóshe shamdarynyń qorǵanys shynysyn búldirý kóbeıgen
ALMATY. KAZINFORM – Almatyda kóshe shamdarynyń qorǵanys shynysyn búldirý jáne baǵana túbindegi metall qaqpaqtardy urlaý deregi kóbeıdi. Bul týraly «Almaty qala jaryq» kásiporny málim etti.
Kompanııa basshysynyń orynbasary Vadım Makarovtyń aıtýynsha, qalada syrtqy jaryqtandyrý tirekterindegi shamdardy ruqsatsyz bólshekteý jaǵdaıy kúrt ósti.
«Olar sham baǵanasynyń túbindegi metall qaqpaqtar. Bul jerde shamnyń symdary magıstraldy kabelge qosylady. Bul syrtqy jaryqtandyrý jelilerine tehnıkalyq qyzmet kórsetý jáne jóndeý, kabeldi aýystyrý jáne basqa jumystar úshin qajet. Jaqynda biz bireýdiń metall qaqpaqtardy sheship, urlap jatqanyn baıqadyq. Kúzden bastap biz onyń eki myńyn aýystyrdyq», - deıdi Vadım Makarov.
Sonymen qatar, «Almaty qala jaryq» kompanııasynyń dereginshe, buzaqylar syrtqy jaryqtandyrýdy basqarý shkaftaryn jıi búldiredi.
Bul nysandar joǵary kerneýde jáne olarǵa bógde adamdarǵa kirýge qatań tyıym salynady.
«Vandaldar trotýar shamdaryn da qıratady. Mundaı jerlerde ashyq symdar qaýipti bolady»,- dep atap ótti kompanııa ókilderi.
