Almatyda kóshe ortasynda asqabaq ósip tur
ALMATY. KAZINFORM — Almatylyqtar qala úshin tańsyq qubylystyń kýási boldy.
Áleýmettik jelide Rashıt esimdi turǵyn kóshede ósip turǵan asqabaqtyń sýretin jarııalady.
Onyń jazýynsha, kókónis Abaı dańǵyly men Áýezov kóshesiniń qıylysynda emin-erkin tamyr jaıǵan.
Jeli qoldanýshylarynyń biri qala ortasynda ózdiginen ósip turǵan asqabaqqa tańǵalsa, endi biri atalǵan orynda buryn da ósimdikter óskenin jazǵan. Munda jaqyn mańdaǵy dámhana qyzmetkerleri ósimdik ekken degen de boljam bar. Jazbanyń pikirler bóliminde taǵy bir azamat Tóle bı men Áýezov kósheleriniń qıylysynda ósip turǵan kartoptyń beınejazbasymen bólisken.
Eske salaıyq, Almaty saıabaqtarynyń birine Qytaıda mekendeıtin qaz ushyp kelgenin jazǵanbyz. Ornıtologtar o onyń qaıdan paıda bolǵanyn eshkim bilmeıtinin aıtty.
Sondaı-aq ótken aıda Almatyda erekshe «parık aǵash» gúldedi.
