Almatyda kóshe boıynda jeńil avtokólik otqa orandy
Almatyda jeńil avtokólik órtke orandy, dep habarlaıdy Kazinform.
Áleýmettik jelige Almatynyń kósheleriniń birinde órtenip jatqan jeńil avtokóliktiń vıdeosy shyqty. Vıdeodaǵy jazbada avtokóliktiń Maqataev kóshesinde, «Mega» saýda oıyn-saýyq ortalyǵynyń janynda órtengeni jazylǵan.
Almaty qalalyq TJD-da búgin keshki saǵat 19:17-de Almaly aýdany Maqataev pen Masanchı kósheleriniń qıylysynda Kia Rio markaly avtokóligi órtengenin habarlady. Órt sóndirildi. Zardap shekkender bolǵan joq.
Osyǵan oraı, qalalyq TJD kólik júrgizýshilerin órt qaýipsizdigi týraly eskertti.
«Avtokólikten shyqqan órt tez, nebary 2-3 mınýt ishinde taralady. Sol sebepti kóliktiń elektr jabdyqtaryn tek mamandandyrylǵan tehnıkalyq qyzmet kórsetý stantsııalarynda jóndeý qajet. Sondaı-aq kólikte árdaıym jaramdy órt sóndirgish quraldary bolýy tıis», - dep eskertti TJD-da.
Posmotret etý pýblıkatsııý v Instagram
