Almatyda kóshi-qon jónindegi HQO-nyń mekenjaıy ózgerdi
Almatyda kóshi-qon jónindegi HQO-nyń mekenjaıy ýaqytsha ózgerdi. Bul týraly «Azamattarǵa arnalǵan úkimet» memlekettik korporatsııasy Almaty qalasy fılıalynyń baspasóz qyzmeti málim etti, dep habarlaıdy Kazinform.
«2 qarashadan bastap «Azamattarǵa arnalǵan úkimet» memlekettik korporatsııasy Almaty qalasy fılıalynyń kóshi-qon bólimi ýaqytsha Jetisý aýdany, "Qulager" shaǵynaýdany, Serikov kóshesi, 6a mekenjaıy boıynsha azamattardy qabyldaıtyn bolady. Buǵan deıin kóshi-qon qyzmetteri Túrksib aýdany, "Qaırat" shaǵynaýdany, 181 ("Semıreche-Jetisý» saýda ortalyǵynda) mekenjaıynda kórsetilgen bolatyn», - dep habarlady Almaty qalasy fılıalynyń baspasóz qyzmeti.
Fılıalda sondaı-aq aldaǵy ýaqytta azamattardy burynǵy mekenjaı boıynsha qaıta qabyldaý týraly qosymsha habarlanatynyn jetkizdi.
Jańa mekendegi kóshi-qon jónindegi HQO dúısenbi-juma kúnderi saǵat 9.00-den 18.00-ge deıin jumys isteıdi.
