Almatyda kóshi-qon zańnamasyn buzǵan 76 sheteldik deportatsııalandy
ALMATY. KAZINFORM – Almatyda kóshi-qon zańnamasyn buzýdyń 600-den astam deregi anyqtaldy.
Qalalyq polıtsııa departamentiniń málimetinshe, anyqtalǵan derekterdiń basym bóligi shetel azamattarynyń elde bolý tártibin saqtamaýyna baılanysty bolǵan.
– Eki kúni ishinde 636 quqyq buzýshy jaýapkershilikke tartyldy. Olardyń ishinde 513 shetel azamaty Qazaqstan Respýblıkasynda bolý qaǵıdalaryn buzǵan, 107 qabyldaýshy tulǵa olardyń zańdy bolýyn qamtamasyz etpegen. Al 16 jumys berýshi sheteldik jumys kúshin zańsyz paıdalanǵan. Sot sheshimimen 76 shetel azamaty el aýmaǵynan shyǵaryldy, - dep habarlady departamentten.
Sonymen qatar polıtsııa zańsyz kóshi-qon arnasyn uıymdastyrý deregi anyqtalyp, izdeýde júrgen sheteldik azamat ustalǵanyn málimdedi.
Eske salaıyq, buǵan deıin SQO-da bıyl kóshi-qon zańnamasyn buzýdyń 3 myńnan astam deregi anyqtaldy.
