Almatyda kóshi-qon zańyn buzǵan 35 sheteldik elden shyǵaryldy
ALMATY. KAZINFORM — Almaty polıtsııasy kóshi-qon zańyna baılanysty nysanaly tekserý júrgizdi.
Іs-shara barysynda Qazaqstan Respýblıkasynyń aýmaǵynda bolý qaǵıdalaryn buzý derekteri, sondaı-aq qabyldaýshy tulǵalar men jumys berýshiler tarapynan zań talaptaryn saqtamaý jaǵdaılary anyqtalǵan.
Qalalyq polıtsııa málimetinshe, 134 adam ákimshilik jaýapkershilikke tartyldy. 35 shetel azamaty el aýmaǵynan shyǵarylsa, taǵy 15 adam qabyldaý-taratý ornyna ornalastyryldy.
— Kóshi-qon salasynda tártip ornatý — bul eń aldymen qaýipsizdik pen zań ústemdigin qamtamasyz etý máselesi. Biz shetel azamattary tarapynan da, olardyń el aýmaǵynda zańdy bolýyn qamtamasyz etýge mindetti tulǵalar tarapynan da zań buzýshylyqtardy júıeli túrde anyqtaımyz. Árbir derekke quqyqtyq baǵa berilip, sharalar qoldanystaǵy zańnama aıasynda qabyldanady, — dedi Almaty qalasy PD kóshi-qon qyzmeti basqarmasynyń bastyǵy Erkin Amantaev.
Eske salaıyq, buǵan deıin Almatydan deportatsııalanatyn sheteldikter sany jyl saıyn artyp kele jatqanyn jazǵanbyz.