Almatyda kórisý kúnine arnalǵan merekelik kontsert ótedi
ALMATY. KAZINFORM – Almatyda Naýryz meıramyn toılaý 14 naýryz – Kórisý kúnin atap ótýden bastalady.
14 naýryzda Kóktóbede qala turǵyndary men qonaqtary úshin saǵat 10:00-de ashyq aspan astynda «Kóktóbedegi Amal kúni» atty merekelik kontsert ótedi.
Oǵan «Jigitter» toby, «Alataý serileri» toby, Móldir Áýelbekova, Aıgúl Qosanova jáne «Alataý» dástúrli óner teatrynyń ártisteri qatysady.
Bul kúni megapolıs turǵyndary men qonaqtary Kóktóbege jınalyp, qystan aman-esen shyqqanyn aıtyp, bir-birimen tabysyp, keýde qaǵysyp, qol alysyp, kóktemniń bastalýyn atap ótedi.
