Almatyda Koreıa azamatyn izdeýge kınologtar men drondar jumyldyryldy
ASTANA. KAZINFORM — Almaty taýlarynda Koreıa azamatyn izdeýge 102 adam jumyldyryldy, dep habarlaıdy TJM baspasóz qyzmeti.
Almatyda Koreıa Respýblıkasynyń azamatyn izdeý jumystary jalǵasýyp jatyr. Іzdestirý-qutqarý jumystary taýly jer bederiniń kúrdeliligine, zertteletin aýmaqtyń aýqymdylyǵyna jáne bıiktik aıyrmashylyǵynyń edáýir bolýyna baılanysty qıyndap otyr.
Qutqarýshylar qol jetýi qıyn ýchaskelerde, sonyń ishinde shatqaldar men taý betkeılerinde jumys júrgizip jatyr.
Іzdestirý-qutqarý jumystaryna TJM men PD kúshteri men quraldary, sondaı-aq eriktilerden quralǵan barlyǵy 102 adam, 11 tehnıka, 4 kınologııalyq esep, 6 ushqyshsyz ushý apparaty jáne TJM avıatsııasy jumyldyrylǵan.
— Іzdeý jumystary úzdiksiz júrgizilip jatyr. Jumyldyrylǵan kúshter men quraldar taýly aımaqtyń belgilengen ýchaskelerin tekserip keledi. Іzdestirý-qutqarý jumystary TJM baqylaýynda, — delingen habarlamada.
Budan buryn Almaty taýlarynda Ońtústik Koreıa azamatyn 130 adam izdep jatqanyn jazǵanbyz.
