23:00, 21 Mamyr 2024 | GMT +6
Almatyda kópqabatty úıden órt shyqty
ALMATY. KAZINFORM – Áleýmettik jelilerde Almatydaǵy turǵyn úı kesheniniń órtenip jatqan beınejazbasy tarady.
Almaty qalasy tótenshe jaǵdaılar departamentiniń málimetinshe, «Altyn Bulaq — 2» turǵyn úı kesheninen órt shyqqan.
Oqıǵa ornynda órt sóndirý brıgadalary jumys istep jatyr.
«Almaly aýdanynda bes bloktan turatyn «Altyn Bulaq-2» turǵyn úı kesheninde (Brýsılovskıı kóshesi, 167) páter órtengeni týraly habar tústi. 18 qabatty turǵyn úıdiń tórtinshi qabatyndaǵy páterden tútin shyqqan. Órt sóndirýshiler oqıǵa ornyna jetti. Jalyn sharpyǵan aýmaq — shamamen 25 sharshy metr», - dep habarlady TJD baspasóz qyzmetinen.
