Almatyda kópqabatty úıden qulaǵan 19 jastaǵy qyz kóz jumdy

ALMATY. KAZINFORM – Almatyda kópqabatty úıden qulaǵan qyz qaıtys boldy. Qaıǵyly oqıǵa keshe túngi ýaqytta bolǵan.

Jelidegi málimet boıynsha, 19 jastaǵy qyz 14 qabattan qulaǵan. Oqıǵa Almatydaǵy «Manhetten» turǵyn úı kesheninde bolǵan. 

Almaty qalasy Polıtsııa departamenti atalǵan jaǵdaıǵa baılanysty qylmystyq is qozǵady. 

– Osy derek boıynsha Almaly aýdandyq PB-na qarasty polıtsııa bólimi qylmystyq is qozǵady. Oqıǵanyń sebebi men mán-jaıy anyqtalyp jatyr, - dep habarlady qalalyq PD baspasóz qyzmeti.

Eske salaıyq, buǵan deıin Almatyda jas jigit kópqabatty úıden sekirip ketkenin jazǵanbyz. 

Oǵan deıin 19 jastaǵy jigit Almatydaǵy Dostyq dańǵylyndaǵy kópqabatty úıden sekirip, mert boldy. 

Qyrkúıek aıynda Almatyda kópqabatty úıden qulaǵan eki jasóspirim kóz jumdy.