Almatyda kópqabatty úıden órt shyǵyp, 48 adam evakýatsııalandy

ALMATY. KAZINFORM — Almatyda kópqabatty úılerdiń birinen órt shyǵyp, turǵyndar evakýatsııalandy.

«Órt sóndirýshiler turǵyn úıdiń 48 turǵynyn evakýatsııalady, onyń ishinde segiz bala, odan bólek úsh mysyq pen bir ıt bar. Zardap shekkender joq, órttiń shyǵý sebebi anyqtalyp jatyr»,- delingen habarlamada.

QR TJM baspasóz qyzmetiniń habarlaýynsha, órtengen páterde jıhazdar janǵan.
Qutqarýshylar turǵyndardy kúndelikti ómirde órt qaýipsizdigi erejelerin saqtaýǵa shaqyrdy.

Osyǵan deıin «Іle-Balqash» memlekettik tabıǵı rezervatynda qamys órtenip jatqany týraly jazǵan edik.