Almatyda kópqabatty turǵyn úıden órt shyǵyp, úsh adam qutqaryldy
ASTANA. KAZINFORM – Búgin túnde Almaty qalasy Almaly aýdanynda ornalasqan kópqabatty turǵyn úılerdiń birinde 1-qabattaǵy páterden órt shyqty. Bul týraly QR Tótenshe jaǵdaılar mınıstrliginiń baspasóz qyzmetinen málim boldy.
TJD qyzmetkerleri baspaldaq arqyly 5 adamdy evakýatsııalap, 1 qart pen 2 balany qutqarý qalpaqtary arqyly qutqarǵan.
Tájirıbeli órt sóndirýshiler órttiń taralýyna jol bermedi, jalyn 8 sharshy metr aýmaqty sharpyǵan. Zardap shekkender joq.
Sondaı-aq túnde Aqtóbe oblysy garnızonnyń dıspetcherine Muǵaljar aýdanyndaǵy Qandyaǵash qalasynda jeke menshik úıdiń biriniń aýlasynda ornalasqan garajdan órt shyqqany týraly habarlama kelip túsken.
Shaqyrtý ornyna dereý baǵyttalǵan órt eseptortarynyń quramynda bolǵan №8 órt sóndirý bóliminiń bólimshe komandıri azamattyq qorǵaý aǵa serjanty Danat Shamakov pen órt sóndirýshi-qutqarýshy azamattyq qorǵaý kishi serjanty Samrat Meırambek órtke oranǵan qurylystan 2 gaz ballony men janarmaıy bar kanıstrdy alyp shyǵyp, jarylystyń aldyn aldy.
Keshe túnde elordadaǵy jataqhanalardyń birinen órt shyqqanyn jazdyq.
