Almatyda Konstıtýtsııa kúninde barlyq aýdandy qamtyǵan senbilik ótti
ALMATY. KAZINFORM — Almatyda «Taza Qazaqstan» aktsııasy aıasyndaǵy senbilikter dástúrli is-sharaǵa aınalǵan.El Konstıtýtsııasyna 30 jyl tolǵan ataýly kúnge tuspa-tus kelgen kezekti senbilik tipti de aýqymdy uıymdastyryldy. Ekologııalyq mádenıetti arttyrý maqsatyndaǵy senbilikter qalanyń barlyq aýdandarynda ótti.
Medeý aýdany
Kezekti senbilik aýdandaǵy Ál-Farabı dańǵyly, Meńdiqulov jáne Rysqulov kóshelerinde, sondaı-aq «Kólsaı» jáne «Alataý» shaǵynaýdandarynyń aýmaǵynda ótti. Tazalyq jumystaryna 300-den asa turǵyn qatysyp, 15 arnaıy tehnıka jumyldyryldy. Nátıjesinde 150 m³ qoqys shyǵaryldy. Medeý aýdanyndaǵy aktsııaǵa Almaty qalasy Qalalyq mobıldilik basqarmasynyń 50-den asa qyzmetkeri men kommýnaldyq qyzmet ókilderi de qatysty.
Bostandyq aýdany
Іs-sharaǵa 350-ge jýyq adam qatysyp, 11 arnaıy tehnıka paıdalanyldy. Nátıjesinde 90 m³ qoqys shyǵaryldy. Kósheler men trotýarlar jýylyp, aramshópter otaldy.
Áýezov aýdany
Aýdandaǵy ekologııalyq aktsııa Asqarov jáne Vıshnevskaıa kósheleriniń aralyǵynda ótti. Oǵan aýdan ákimdigi men kommýnaldyq qyzmet ókilderi, kásipkerler, jastar jáne eriktilerdi qamtyǵan 500-den astam adam qatysty. 12 arnaıy tehnıkamen birge aǵashtarǵa sanıtarlyq qyrqý jasalyp, aramshópter shabyldy jáne trotýarlar jýyldy. Nátıjesinde 200 m³ qoqys shyǵaryldy.
Almaly aýdany
Tazalyq jumystaryna 270 adam, onyń ishinde eriktiler men shaǵyn bıznes ókilderi qatysty. 12 arnaıy tehnıka jumyldyrylyp, 40 m³ qoqys shyǵaryldy. Aryq júıeleri men konteıner alańdary tazartylyp, aǵashtarǵa sanıtarlyq qyrqý júrgizildi.
Túrksib aýdany
Senbilikke 460 adam qatysyp, 13 arnaıy tehnıka qoldanyldy. Jumystar aıasynda kóshe jýý, shóp shabý, qoqys shyǵarý jáne jasyl jelekti kútip-baptaý jumystary júrgizildi. Barlyǵy 150 m³ qoqys shyǵaryldy.
Naýryzbaı aýdany
Aýdanda Qazaqstan Konstıtýtsııasynyń 30 jyldyǵyna oraı arnaıy senbilik ótti. Tazalyq jumystary Abaı dańǵylynyń tómengi bóligindegi keń aýmaqqa baǵyttaldy. Sharaǵa 500-den astam adam qatysyp, aryq júıeleri tazalandy, shópter otalyp, kósheler jýyldy.
«Taza Qazaqstan» respýblıkalyq aktsııasy barsha jurtty joǵary ekologııalyq mádenıetke jeteleıtin joba. Qalada udaıy uıymdastyrylyp kele jatqan senbilikter birtindep turǵyndardyń daǵdysyna aınalyp keledi.
