Almatyda Konstıtýtsııa kúni qalaı atalyp ótedi

ALMATY. KAZINFORM –  30 tamyz kúni Almatyda Qazaqstan Konstıtýtsııasynyń 30 jyldyǵyna arnalǵan saltanatty is-sharalar ótedi.

Almaty ákimdiginiń málimetinshe, Abaı alańynda saǵat 18:00-de Memlekettik Týdy shyǵarý rásimi bolady jáne Ánuran oryndalady. Sondaı-aq 200-den astam ónerpaz qatysatyn teatrlandyrylǵan qoıylym qoıylady. Olardyń arasynda Roza Rymbaeva, Tamara Asar, Janar Aıjanova, Aıgúl Qosanova, «MýzArt Life» toby jáne basqa da óner juldyzdary bar.

Al saǵat 19:00-de Respýblıka saraıynyń aldynda ashyq aspan astynda «Almaty – mahabbatym» spektakli ótedi. Saǵat 20:00-de «Almaty áýenderi» kontserti bastalady. Oǵan Saıat Nurǵazın, Dımash Dáýletov, Qaırat Nurtas jáne ózge de estrada juldyzdary qatysady. Baǵdarlama 22:00-de ashyq aspan astyndaǵy úlken kontsertpen aıaqtalady.

Sonymen qatar 28–29 tamyz aralyǵynda qalanyń ár aýdanynda kontsert pen mádenı is-shara uıymdastyrylady. Olar:

- Almaly aýdany, Jibek joly, 100 mekenjaıynda 28 tamyz kúni saǵat 16:00-de «30 jyl el tiregi – Ata Zań» kontserti ótedi.

- Bostandyq aýdany, Ál-Farabı atyndaǵy QazUÝ-da 28 tamyz kúni saǵat 15:00-de saltanatty kontserti ótedi.

- Alataý aýdany, Atletıkalyq aýylda 29 tamyz kúni saǵat 17:00-de merekelik kontsert ótedi.

- Áýezov aýdany, «Narhoz» ýnıversıtetinde 29 tamyz kúni saǵat 15:00-de «Ata zań – Táýelsiz eldiń tuǵyry» kontserti ótedi.

- Naýryzbaı aýdany, «Shuǵyla» shaǵyn aýdany, 347 mekenjaıynda 29 tamyz kúni saǵat 16:00-de kontserttik baǵdarlama uıymdastyrylady.

- Medeý aýdany, Oqýshylar saraıynda 29 tamyz kúni saǵat 11:00-de merekelik kontsert ótedi.

- Túrksib aýdany, №6 Oqýshylar úıinde 29 tamyz kúni saǵat 11:00-de saltanatty kontserti ótedi.

Eske salaıyq, Konstıtýtsııanyń 30 jyldyǵyna oraı jańa kollektsııalyq monetalar satylymǵa shyǵady.