Almatyda qonaq úı órtendi
ALMATY. KAZINFORM – Búgin, 12 maýsymda Almatyda tań ata órt shyqty. Qala aýdandarynyń birinde qonaqúı jandy.
Tótenshe jaǵdaılar departamentiniń málimetinshe, 12 maýsymda, tańǵy saǵat 6:00-de Alataý aýdany, Qarasý yqsham aýdany, Molodejnaıa kóshesinde ornalasqan qonaqúıden órt shyqty.
«TJD kúshteri men quraldary joǵary dárejedegi shaqyrtý boıynsha oıǵa ornyna 6 mınýtta jetti. Órt sóndirýshiler 2-qabatty qonaqúıdiń ashyq jalynmen janyp jatqanyn anyqtady. Órt býtıkterge taralyp úlgergen. Dereý órt oqpandary jaqyn mańdaǵy dúkender men jeke turǵyn úılerdi qorǵaýǵa berildi, órtti sóndirýdiń 3 ýchaskesi qurylyp, sýdyń úzdiksiz berilýi qamtamasyz etildi»,- dep habarlady departamentten.
Qonaqúı ákimshiligi málim etkendeı, adamdar dereý syrtqa shyǵarylyp, órt ornynan 4 gaz ballony shyǵaryldy.
Órt 06-45-te oqshaýlanyp, 07-00-de sóndirildi.
Zardap shekkender týraly aqparat túsken joq.
Órttiń shyǵý sebebi anyqtalyp jatyr.
Órtti sóndirýge TJD 21 tehnıka, jeke quramynan 75 adam jumyldyryldy.
Osyǵan deıin Almatyda hostel órtenip, 13 adam qaıtys bolǵanyn jazdyq. Qaza tapqandardyń toǵyzy – qazaqstandyq, qalǵany sheteldikter. Memleket basshysy qaza tapqan Qazaqstannyń jáne shetel azamattarynyń jaqyndary men týǵan-týystaryna kóńil aıtty.
