Almatyda kommýnaldyq tólem boıynsha taǵy bir qyzmetti onlaın oryndaýǵa bolady

ALMATY. KAZINFORM — «Almaty sý» mekemesi taǵy bir qyzmet túrin onlaın alýǵa bolatynyn habarlady.

— Turǵyn úıde tirkelgen azamattar sanyn túbirtekte ózgertý qyzmeti — onlaın túrde qoljetimdi. Sondaı-aq Alseco júıesinde túbirtekti páter ıesiniń atyna rásimdeý qyzmetin qashyqtan oryndaýǵa bolady. Kommýnaldyq kásiporyndardyń keńselerine barýdyń qajeti joq — ialma.kz portalyna kirseńiz jetkilikti, — dep habarlady «Almaty sý».

Mekeme málimetinshe, ialma.kz portaly Almaty qalasynyń turǵyndaryna turǵyn-úı kommýnaldyq sektor uıymdarynyń qyzmetterin ońaılatylǵan túrde alýǵa múmkindik beredi.

Eske salaıyq, almatylyqtar kommýnaldyq tólem boıynsha ujymdyq kelisimsharttan bas tartyp jatqanyn jazǵanbyz.