Almatyda kommýnaldyq qyzmetterdi rásimdeý tártibi jeńildetildi

ALMATY. KAZINFORM – Almatyda turǵyn úıdiń jańa ıeleri úshin kommýnaldyq qyzmetterdi resimdeý protsesi ońaılatyldy, dep habarlaıdy qala ákimdigi.

Endi azamattarǵa kezekte turýdyń qajeti joq, barlyq operatsııa ialma.kz portaly arqyly onlaın formatta qoljetimdi.

Vedomstvo málimetinshe, eger túbirtekter burynǵy menshik ıesiniń atyna kelse, tsıfrlyq servıs arqyly birneshe áreketti oryndaýǵa bolady. Atap aıtqanda:

• túbirtektegi derekterdi jańartý;
• qyzmetti jańa menshik ıesiniń atyna rásimdeý;
• tirkelgen turǵyndar sanyn ózgertý.

Onlaın rásimdeý tártibi:

• Portalǵa tirkelip, telefon nómirin rastaý qajet.
• Jeke kabınetke turǵyn úıdi qosyp, jeke esepshot pen menshik quqyǵyn kórsetý kerek.
• Qajetti qyzmet túrin tańdaý.
• Qujattardy tirkeı otyryp, onlaın ótinim jiberý.
• Ótinimniń mártebesin baqylap, SMS-qulaqtandyrýdy alý.

ialma.kz portalynda sýmen jabdyqtaý, jylý jáne elektrmen qamtamasyz etý boıynsha 60-tan astam qyzmet usynylady.

Aıta keteıik, Almatynyń Alataý aýdanynda jaryqtyń óshýine sebep bolǵan kompanııaǵa aıyppul salynady.