Almatyda kommýnaldyq qyzmetkerler kúsheıtilgen rejımde jumys isteıdi
ALMATY. KAZINFORM – Almatyda tańǵy ýaqyttan beri jańbyr jaýyp tur.
«Qazgıdromet» RMK boljamyna sáıkes, jaýyn-shashyn 2 qazan saǵat 01:00-ge deıin jalǵasyp, jalpy kólemi 17 mm deıin jetýi múmkin. Túngi ýaqytta qalada qar aralas jańbyr jaýýy múmkin.
Almaty ákimdiginiń málimetinshe, qalada sý basýdyń aldyn alý jáne onyń saldaryn joıý maqsatynda kommýnaldyq qyzmetterdiń táýlik boıyna kezekshiligi kúsheıtilgen tártipte uıymdastyryldy. Jumysqa 117 arnaıy tehnıka, 74 motopompa, 14 assenızator kóligi tartylǵan. 81 jedel brıgada (421 jumysshy) motopompa men qajetti qural-jabdyqtarmen qamtylyp, 2 310 qapshyq daıyndalǵan.
– Kúndizgi ýaqytta 387 arnaıy tehnıka men 1 808 jumysshy eńbek etedi. Túngi ýaqytta 153 arnaıy tehnıka men 301 jumysshy jumyldyrylǵan. Qalanyń turǵyndaryna qaýipsizdik sharalaryn saqtap, túngi jáne tańǵy ýaqytta taýly aımaqtarǵa barmaýǵa shaqyrady, - dep habarlady ákimdikten.
Eske salaıyq, buǵan deıin Almaty taýlarynda qar jaýdy.