Almatyda kolonııanyń eks-basshysy ustaldy

ALMATY. KAZINFORM — Oǵan qatysty quzyrly organdar sotqa deıingi tergeý amaldaryn júrgizip jatyr.

Áleýmettik jelide Almatydaǵy Qylmystyq-atqarý júıesi departamentiniń basshysy sybaılas jemqorlyq isi boıynsha ustaldy degen aqparat paıda boldy. 

Qylmystyq-atqarý júıesi komıtetinen málim etkendeı, bul adam ustalǵan kezde ishki ister organdarynyń qyzmetkeri bolmaǵan. Qazir sotqa deıingi tergeý amaldary júrip jatyr.

— Qylmystyq-atqarý júıesi komıteti kez kelgen zań buzýshylyqqa múldem tózbeýshilik saıasatyn ustanady jáne tergeýdi júrgizetin organdarǵa jan-jaqty kómek kórsetedi, — dep túsindirdi ІІM Qylmystyq-atqarý júıesi komıtetiniń baspasóz qyzmeti.

Buǵan deıin Qonaev qalasynyń soty № 57 QAJD mekemesiniń burynǵy bastyǵy P.Pısarev jáne № 12 QAJD mekemesiniń jedel bóliminiń bastyǵy E. Bólekbaıǵa para alý isi boıynsha úkim shyǵarǵan bolatyn.