Almatyda kolledjge túsý tolyq tsıfrlyq formatqa kóshti
ALMATY. KAZINFORM — Almaty kolledjderine qabyldaý naýqany tolyqtaı tsıfrlyq formatta ótip jatyr. Bul týraly qalalyq bilim basqarmasynyń ókilderi aıtty.
Vedomstvonyń málimetinshe, qujattar OQU Bilim aqparattyq júıesi arqyly qabyldanyp jatyr.
Búginde 8 182 ótinish tirkeldi, bul — memlekettik bilim berý tapsyrysynyń josparlanǵan kóleminiń 46,1%-y.
— Bıyl qaladaǵy 58 kolledjde maman daıarlaýǵa arnalǵan memlekettik bilim berý tapsyrysy 17 173 oryn bolady, — delingen habarlamada.
Aıta keteıik, qazirgi ýaqytta Almatyda 88 kolledj jumys isteıdi. Onda 131 mamandyq pen 220 biliktilik boıynsha 86,8 myńnan astam stýdent bilim alyp júr.
Eske salaıyq, buǵan deıin Qazaqstanda UBT tapsyrǵan 233 myń talapkerdiń 177 myńy shekti ball jınaǵanyn habarlaǵan edik.
