Almatyda kóliktiń ústine aǵash qulady

ALMATY. KAZONFORM – Almatynyń Áýezov aýdanynda alyp aǵash kóliktiń ústine qulady.

Onyń vıdeosy áleýmettik jelide paıda boldy.

Áýezov aýdany ákimdiginiń habarlaýynsha, aýa raıynyń qolaısyzdyǵynan 9-shy yqsham aýdanynda ornalasqan №52 úı aýlasynda kólikke dıametri 90 santımetr bolatyn úıeńki aǵashy qulaǵan.

«Aýdandyq ekologııa bólimi sol jerge bardy, sonymen qatar Almaty qalasynyń qutqarý qyzmeti turǵyndardyń ótinishin tirkedi. Qazir qalalyq qutqarý qyzmeti aǵashty kesip jatyr. Tústen keıin aǵashty alyp tastaıdy», - dep atap ótti aýdan ákimdiginen.