Almatyda kólikterdiń shyǵaryndylary tekserilip jatyr

ALMATY. KAZINFORM – Almatyda «Taza aýa» aktsııasy bastaldy.

Bastamanyń maqsaty – kólikterdiń shyǵaryndysyndaǵy zııandy zattardyń deńgeıin baqylaý. Almatyda aýanyń lastanýynyń edáýir bóligi kólik tútininen bolǵandyqtan, bul másele erekshe mańyzdy.

Qazir Almaty qalasynyń ekologııa jáne qorshaǵan orta basqarmasy arnaıy uıymdardy tarta otyryp, kólik shyǵaryndylaryn baqylaý jumystaryn kúsheıtti. Qalada 19 statsıonarlyq jáne 3 jyljymaly ekobeket jumys istep tur.

Ekobeket qyzmetkeri Ábdihamıt Amanquldyń aıtýynsha, 2024 jyly 204 996 ólsheý júrgizilgen.

– 34 708 avtomobıldiń (17%) ýly zattar shyǵarý deńgeıi belgilengen normadan asyp ketkeni anyqtaldy. Osyǵan baılanysty 31 682 ákimshilik hattama toltyryldy, – dedi ol.

Ekologııalyq beketterdiń tıimdi jumysynyń nátıjesinde normadan asyp ketetin kólikterdiń úlesi azaıdy. Máselen, 2020 jyly bul kórsetkish 20%-dan assa, 2024 jyly shamamen 17 paıyz boldy.

Osyǵan deıin keleshekte Almatynyń keıbir aýdandarynda kólik qozǵalysy shektelýi múmkin ekeni týraly jazǵanbyz.

Sondaı-aq Almatyda aýa sapasyn lastaıtyn basty faktorlar atalǵan edi.