Almatyda kólikten er adamnyń máıiti tabyldy

ALMATY. KAZINFORM — Almatydaǵy jeke mektepterdiń biriniń mańynan kólik ishindegi er adamnyń denesi tabyldy.

Almaty qalalyq Polıtsııa departamenti aqparatty rastady.

— Zorlyq-zombylyq belgileri joq er adamnyń denesi tabyldy. Atalǵan derek boıynsha tergeý júrgizilip jatyr. Aldyn ala málimet boıynsha, ol júrek jetkiliksizdiginiń saldarynan qaıtys bolǵan, - dep habarlady Almaty qalalyq Polıtsııa departamentiniń baspasóz qyzmetinen.

Osyǵan deıin Almatynyń Túrksib aýdanynda bir áıeldiń denesi tabylǵan bolatyn. Almaty polıtsııa departamenti atalǵan faktige qatysty qylmystyq is qozǵady. 

Budan bólek, Almatyda jer úılerdiń birinen egde jastaǵy erli-zaıyptylardyń máıiti tabylǵanyn jazǵan edik. Jelidegi málimetke sáıkes, er adam 87 jasta, al áıel 89 jasta bolǵan.