Almatyda kólikpen soqtyǵysqan avtobýs ǵımaratqa kirip ketti

ALMATY. KAZINFORM — Almatyda qoǵamdyq kólik jol apatyna ushyrady.

Almaty qalasy polıtsııa departamentiniń málimetinshe, jol apaty saǵat 6:15–te Áýezov aýdanynda bolǵan. Avtobýs júrgizýshisi Jandosov kóshesimen kele jatyp, ıAssaýı kóshesine burylǵanda kólikke ıe bola almaı qalǵan. Nátıjesinde avtobýs Chevrolet Cobalt kóligimen soqtyǵysyp, qozǵalysyn toqtatpastan jaqyn mańdaǵy ǵımaratqa kirip ketken.

— Jol-kólik oqıǵasy kezinde qaza tapqandar men zardap shekkender joq. Oqıǵanyń mán-jaıyn Áýezov aýdandyq polıtsııa basqarmasynyń qyzmetkerleri anyqtap jatyr, — dep habarlady polıtsııadan.

Eske salaıyq, buǵan deıin elordada jeńil avtokólik jolaýshylar avtobýsyna soqtyǵysqanyn jazǵanbyz.