Almatyda kólikke oq atqandar ustaldy

ALMATY. KAZINFORM — Tártip saqshylary kúdiktilerdi ustap, qarýdy tárkilegen. 

Túngi ýaqytta kólikke oq atqan er adamnyń beınejazbasy áleýmettik jelide tarady. Onda oqıǵa «Ójet» shaǵyn aýdanynda bolǵany aıtylǵan. 

Almaty qalasy Polıtsııa departamentiniń málimetinshe, Uıymdasqan qylmysqa qarsy kúres basqarmasynyń qyzmetkerleri eki er adamdy ustap, qarýlaryn tárkilegen. 

— Olar ýaqytsha ustaý ızolıatoryna qamaldy. Bul derek boıynsha Túrksib aýdandyq polıtsııa basqarmasy qylmystyq is qozǵady. Tergeý sharalary kesheni júrgizilip jatyr, - dep habarlady departamentten. 

Eske salaıyq, buǵan deıin Aqtóbede qarý kezenip fotoǵa túsken jasóspirimder esepke alynǵanyn jazǵanbyz.