Almatyda kólik jýý oryndarynyń 60%-y sýdy qaıta paıdalaný júıesin engizdi
ALMATY. KAZINFORM — Almatyda qansha kólik jýý orny sý únemdeý tehnologııasyn engizdi? Bul suraqqa Almaty ákimdigi jaýap berdi.
Qazaqstan Respýblıkasy Sý kodeksine sáıkes, kólik jýý oryndary aınalymdaǵy sý júıesine kezeń-kezeńimen kóshýge tıis, ıaǵnı paıdalanylǵan sýdy tazalap, qaıta qoldanýy qajet.
Almaty ákimdigi bul talapty oryndamaǵan nysandarda zańbuzýshylyq tolyq joıylǵanǵa deıin aýyz sý berý toqtatylyp jatqanyn málimdedi.
— Bir kólik jýý orny aıyna orta eseppen 300 myń lıtrge deıin aýyz sýdy paıdalanady. Sondyqtan sýdy únemdep, tıimdi paıdalaný — qalanyń eń qundy resýrstarynyń birin saqtaýǵa qosylatyn mańyzdy úles, — dep habarlady ákimdikten.
Qazir qaladaǵy 407 kólik jýý ornynyń 248-i, ıaǵnı 60%-dan astamy aınalymdaǵy sý júıesi boıynsha jumys isteıdi. Qalǵan nysandar da bul júıege kezeń-kezeńimen kóshedi.
Eske salaıyq, bıyl mamyr aıynda Almatydaǵy 140 kólik jýý ornynyń jumysy toqtatylǵanyn jazǵanbyz.
Sondaı-aq sýdy qaıta paıdalaný júıesin engizýge avtojýý oryndary qanshalyqty daıyn ekenin jazǵan edik.
