Almatyda kólik janarmaı beketine soqtyǵysty
ALMATY. KAZINFORM — Almatyda jol apaty bolyp, kólik janarmaı quıý beketine soqtyǵysty.
Almaty qalalyq Polıtsııa departamentiniń málimetinshe, jol apaty 3 maýsym kúni saǵat 03:40–ta Alataý aýdanynda boldy.
— Lexus markaly kóliktiń júrgizýshisi Raıymbek dańǵylymen batys baǵytta kele jatyp, qatar aýystyrý kezinde sol baǵytta kele jatqan Mercedes kóligimen soqtyǵysty. Sonyń saldarynan kólik janarmaı quıý beketine soǵyldy, — delingen habarlady vedomstvodan.
Saldarynan Mersedes júrgizýshisi men jolaýshysy dene jaraqattarmen qalalyq aýrýhanalardyń birine jetkizildi.
— Qazir atalǵan jol apatyna qatysty tergeý jumystaryn Alataý aýdandyq polıtsııa basqarmasy júrgizip jatyr, — dep habarlady departamentten.
Osyǵan deıin Astanada avtobýs júrgizýshisi rólge ıe bola almaı, jol jıegindegi baǵanǵa soǵylǵany týraly jazǵanbyz.
Keıin jol apaty kezinde zardap shekken 1 jolaýshynyń aıaǵyna ampýtatsııa jasalǵany belgili boldy.