Almatyda kólik keptelisi 10 balǵa jetti
ALMATY. KAZINFORM – Almatyda kólik keptelisi kúsheıdi.
2GIS kartasynyń málimetine sáıkes, Almatydaǵy kólik keptelisi 10 balǵa jetti. Qazir qalanyń negizgi kósheleriniń bári qyzyl túspen belgilengen. Kúndelikti bolatyn keptelis jaýyn-shashynǵa baılanysty kúsheıip otyr.
Eske salaıyq, buǵan deıin Almatyda qar jaýǵanyn jazǵanbyz. Qala turǵyndary áleýmettik jelilerde Medeý, Kóktóbe jáne taýǵa jaqyn aýdandardan túsirilgen vıdeolardy jarııalap jatyr. Onda taý betkeılerin qar basqanyn kórýge bolady.
Sondaı-aq 7 oblystyń júrgizýshilerine aýa raıynyń jaǵdaıyna baılanysty eskertý jasaldy.
«QazAvtoJoldyń» derekterine sáıkes, 1 qazanda Aqmola, Almaty, Shyǵys Qazaqstan, Jambyl jáne Soltústik Qazaqstan oblystarynyń, sondaı-aq Abaı men Jetisý oblystarynyń keı jerlerinde jańbyr aralas qar jáne qar jaýady dep boljanyp otyr.
