Almatyda kólik qaǵyp ketken jeti jasar bala aýrýhanaǵa tústi

ALMATY. KAZINFORM — Almatydaǵy «Shuǵyla» yqsham aýdanynda kishkentaı balany kólik basyp ketti. 

Onyń vıdeosy áleýmettik jelide tarady.

Almaty Polıtsııa departamentinen málim etkendeı, jol apaty búgin saǵat 13:30-da boldy.

— «Shuǵyla» shaǵyn aýdanynda ońtústik baǵyttaǵy aýla jolymen kele jatqan Changan kóliginiń júrgizýshisi shyǵys baǵyttaǵy joldy kesip ótip bara jatqan jeti jasar balany qaǵyp ketken. Saldarynan bala dene jaraqatyn alyp, qalalyq aýrýhanalardyń birine jatqyzyldy, — dep habarlady Almaty Polıtsııa departamentiniń baspasóz qyzmeti.

Naýryzbaı aýdandyq polıtsııa basqarmasy apattyń mán-jaıyn anyqtaýǵa kiristi.

Osyǵan deıin Almatyda júk kóligi 7 jasar qyzdy basyp ketken bolatyn.