Almatyda kólik ıeleriniń salyq boıynsha 7 mlrd teńge bereshegi bar
ALMATY. KAZINFORM — Almatyda kólik salyǵyn óndirýge baǵyttalǵan reıdtik is-sharalar júrgizilip jatyr.
«Boryshker» jedel-profılaktıkalyq is-sharasy kóleńkeli ekonomıkany tómendetý jónindegi jospar aıasynda salyq organdarynyń, polıtsııanyń jáne jeke sot oryndaýshylarynyń qatysýymen ótip jatyr. Tekserý barysynda jeke sot oryndaýshylarynyń qaýlysy bar boryshkerlerdiń avtokólikteri «Sergek» júıesi arqyly anyqtalyp, bereshek tolyq ótelgenge deıin aıyppul turaǵyna qoıylady.
Memlekettik kirister departamentiniń málimetinshe, qazir megapolıstegi kólikterdiń salyǵy bereshek 7 mlrd teńgeden asyp ketken. 85 myńnan astam avtokólik ıesi ýaqtyly tólem jasamaǵan.
Departament ókilderi qosymsha shyǵyndar men kólikti tárkileý jaǵdaılaryn boldyrmaý úshin avtokólik ıelerin salyqty ýaqytyly tóleýge shaqyrdy.
Eske salaıyq, buǵan deıin satylyp ketken kólikke salyq qalaı tólenetinin jazǵanbyz.
