Almatyda kólik bes jaıaý júrginshini qaǵyp ketti
ALMATY. KAZINFORM — Jol apaty búgin tańerteń Almatynyń Medeý aýdanyndaǵy Zenkov kóshesinde boldy.
Polıtsııa departamentiniń málimetinshe, Audi kóliginiń júrgizýshisi Zenkov kóshesimen ońtústik baǵytta kele jatyp, jolda turǵan bes jaıaý júrginshini qaǵyp ketken. Osydan keıin kólik jol jıeginde turǵan Toyota avtokóligine soqtyǵysqan. Soqqynyń áserinen Audi janynda turǵan Subaru kóligin de zaqymdaǵan.
Oqıǵa saldarynan bes adam zardap shekti. Olardyń barlyǵyna medıtsınalyq kómek kórsetildi.
Qazir apattyń mán-jaıyn Medeý aýdandyq polıtsııa basqarmasynyń qyzmetkerleri anyqtap jatyr.
Eske salaıyq, buǵan deıin Astanada júk kóligi velosıped mingen balany qaǵyp ketkenin habarlaǵan edik.
