Almatyda kólik baǵanaǵa soǵylyp, júrgizýshi mert boldy

ALMATY. KAZINFORM – Almatynyń Jetisý aýdanynda kólik elektr baǵanyna soǵylyp, júrgizýshi mert boldy.

Almaty Polıtsııa departamentiniń málimetinshe, jol apaty 6 qańtar saǵat 4 -ter shamasynda boldy.

– Daewoo avtokóliginiń júrgizýshisi Kýderın kóshesimen soltústik baǵytta kele jatyp, rýlge ıe bola almaı, joldyń shyǵys jaǵyna shyǵyp ketip, jaryq baǵanasynyń beton tiregine soǵyldy. Apat saldarynan júrgizýshi alǵan jaraqattarynan oqıǵa ornynda kóz jumdy, – dep túsindirdi qalalyq polıtsııa departamentiniń baspasóz qyzmeti.

Adam ólimine ákelip soqtyrǵan jol apaty boıynsha sotqa deıingi tergeý bastaldy.

Osyǵan deıin Almaty-Bishkek tas jolyndaǵy jol apatynan 3 adam mert bolǵany týraly jazǵan edik.