Almatyda kólik aýdarylyp, 1 adam mert boldy

ALMATY. KAZINFORM - Jol-kólik oqıǵasy Alataý aýdanynda bolǵan.

Almaty qalasy Polıtsııa departamentiniń málimetinshe, 1 mamyr 20:58-de Mercedes kóligin basqarǵan júrgizýshi Saın kóshesimen soltústik baǵytta kele jatyp, tizginge ıe bola almaı, baǵanaǵa soǵylyp, keıin aýdarylyp qalǵan.

- Jol apaty saldarynan Mercedes kóliginiń jolaýshysy - 1998 jylǵy er azamat kóz jumdy. Qazir adam ólimine ákelgen jol-kólik oqıǵasy deregi boıynsha qylmystyq is qozǵaldy. Tıisti saraptamalar taǵaıyndaldy, - dep habarlaıdy Polıtsııa departamentinen.

Eske salaıyq, buǵan deıin Aqtóbede kólik urlap, polıtsııadan qashqan kúdikti jol apatyna túskenin jazǵanbyz.