Almatyda kólik aǵashqa soǵylyp, tórt jas jigit mert boldy

ALMATY. KAZINFORM — Almatyda Lada kóligi aǵashqa soǵylyp, tórt adam qaza tapty.

Jergilikti polıtsııa qyzmetiniń kezekshi bóliminiń málimetinshe, jol apaty búgin túngi saǵat 2:20-da Almatynyń Medeý aýdanynda boldy. Úlken Almaty kanaly boıymen shyǵys baǵytta kele jatqan Lada kóliginiń júrgizýshisi rýlge ıe bola almaı, jol jıegine shyǵyp ketip, aǵashqa soǵylǵan.

«Saldarynan kólik júrgizýshisi men onyń úsh jolaýshysy oqıǵa ornynda kóz jumdy, taǵy bir jolaýshy dene jaraqatymen qalalyq aýrýhanalardyń birine jetkizildi. Olardyń bari Almaty oblysy, Talǵar aýdanynyń turǵyny ekeni belgili boldy», - dep habarlady polıtsııadan.

Tórt adamnyń ólimine ákelip soqqan apat boıynsha qylmystyq is qozǵalyp, saraptamalar taǵaıyndaldy.

Vedomstvodan atap ótkendeı, qaıtys bolǵandar 21-22 jastaǵy jigitter.