Almatyda kólik aǵashqa soǵylyp, bir adam mert boldy

ALMATY. KAZINFORM — Almatyda Mitsubishi kóligi aǵashqa soǵylyp, júrgizýshisi mert boldy.

Qalalyq Polıtsııa departamentiniń dereginshe, jol apaty 17 naýryzda shamamen saǵat tańǵy saǵat 05:10-da Seıfýllın dańǵylynda bolǵan.

«Mitsubishi kóliginiń júrgizýshisi 1985 jyly týǵan azamat J., Seıfýllın dańǵylymen ońtústik baǵytta kele jatyp, Maqataev kóshesiniń qıylysynda rýlge ıe bola almaı aǵashqa soǵyldy. Alǵan jaraqatynan júrgizýshi qaza tapty. Bir jolaýshy zardap shekti», - dep habarlady Almaty qalalyq Polıtsııa departamentiniń baspasóz qyzmeti.

Atalǵan derek sotqa deıingi tergep-tekserýdiń biryńǵaı tizilimine tirkeldi. Saraptamalar taǵaıyndaldy.