Almatyda Kókjaılaýǵa deıin jol salý úshin taǵy jer telimderi alynady
ALMATY. KAZINFORM — Almatyda memleket qajetine alynatyn jer telimderi belgili boldy.
Almaty ákimdiginiń 2026 jylǵy 5 qazandaǵy № 4/636-1615 qaýlysyna sáıkes, Kókjaılaýdaǵy taý shańǵysy keshenine aparatyn jol qurylysy úshin Bostandyq aýdanynda ornalasqan 3 jer telimderi memleket muqtajyna satyp alynady. Ýchaskelerdi májbúrlep ıelikten shyǵarý merzimi 2028 jyldyń 31 jeltoqsanyna deıin belgilengen.
Atalǵan ýchaskeler:
- Týıakbaeva Gýlmıra Sadykovna. «Kókshoqy» shaǵynaýdany, Asýsaı kóshesi, 9. Jalpy — 0,1300, ıelikten shyǵarylatyn aýdany-0,0113
- Jýmabaev Orýmbaı Elemesovıch. «Kókshoqy» shaǵynaýdany, Asýsaı kóshesi, 11. Jalpy — 0,1366, ıelikten shyǵarylatyn aýdany — 0,0116.
- Kýbanova Lıýbov Askerovna. «Kókshoqy» shaǵynaýdany, Asýsaı kóshesi, 7. Jalpy — 0,1907, ıelikten shyǵarylatyn aýdany — 0,0072.
Almaty qalasy Jer qatynastary basqarmasy zańnamada belgilengen tártippen menshik ıelerine jer ýchaskesiniń ótemaqysyn tóleýdi qamtamasyz etedi. Jer telimderi satyp alǵan soń, Almaty qalasy Jol ınfraqurylymyn damytý basqarmasynyń teńgerimine ótedi.
Eske salaıyq, bıyl shilde aıynda Kókjaılaýda Almaty SuperSki kýrortynyń qurylysy bastaldy.
Buǵan deıin Kókjaılaýdaǵy qurylysqa baılanysty shatqalǵa adamdardyń shyǵýǵa qanshalyqty tyıym salynýy múmkin ekenin jazǵanbyz.
