Almatyda Kóktóbe saıabaǵy ýaqytsha jabylady
ALMATY. KAZINFORM — 25 qyrkúıekte Almatydaǵy Kóktóbe saıabaǵy ýaqytsha jabyq bolady.
Almaty ákimdiginiń málimetinshe, 25 qyrkúıek 00-den 17:00–ge deıin aspaly jol toqtatylady. Sonymen qatar avtokólikpen kirýge, júrginshiler joldary men soqpaqtarymen júrýge bolmaıdy.
Qala ákimdigi almatylyqtardan saparlaryn josparlaǵan kezde ýaqytsha shekteýlerdi eskerýdi surady.
Aıta keteıik, Kóktóbe saıabaǵy Almatynyń kórikti jerleriniń biri bolyp sanalady. Ol teńiz deńgeıinen shamamen 1 100 metr bıiktikte attas taýda ornalasqan.
Eske salaıyq, Shymbulaqtaǵy aspaly joldar ýaqytsha jabylatyny habarlandy.
